Haggaazuwau SHiiqiyo SHiiquwan Gallassa Xiqisiyaa Tobbiyoogee Attiis
Hagaappe kase, haggaazuwau shiiqiyo shiiquwan gallassa xiqisee haggaazuwaara gayttidaba gidikko tobbana danddayettees. Hegee haꞌꞌi laamettiis. Geeshsha Maxaafaa Galla Galla Pilggiyoogaa giya xuufiyaa hagaappe sinttanau haggaazuwau shiiqiyo shiiquwan goꞌettana koshshenna. Hagaappe kase oottiyoogaadan, shiiquwaa kaalettiyaagee Geeshsha Maxaafaa, Nu Kawotetta Haggaazuwaa, Haggaazo Timirtte Keettaa maxaafaa, Akeekissiyoogaa maxaafaanne haggaazuwaara gayttida hara xuufiyaa goꞌettana danddayees. SHiiquwaa kaalettiyaageeti he galla haggaazuwaa kiyaageeta maaddana mala goꞌꞌiya qofaa yootanau giigettana koshshees. Kaseegaadan he shiiqoy 10ppe biidi 15 daqiiqappe dariya wodiyaa ekkana koshshenna; qassi he shiiqoy gubaaꞌe shiiquwaappe simmiina gidikko, hegaappe guutta wodiyan polettana koshshees.