Haggaazo SHiiquwawu Maaddiya Qofaa

Nuuni shiiqiyo hara ubba shiiqotuugaadan, haggaazo shiiqoykka siiqettanawunne loꞌꞌo oosuwaa oottanawu issoy issuwaa minttettanaadan Yihooway giigissidobaa. (Ibr 10:24, 25) He shiiquwaa 5ppe biidi 7 daqiiqan shiiqana koshshees; hegee citata darajjayiyoogaa, moottaa immiyoogaanne woosaa gujjees. (Hara shiiqotuppe simmin shiiqiyaaba gidikko, hegaappekka qanttana koshshees.) SHiiquwaa kaalettiya ishay he gallassi haggaazanawu yiidaageeta maaddiya qofaa giigettana koshshees. Leemisuwawu, aassiyaageetuppe daroti aadhdhida gallassatun haggaazuwaa kiyibeennaageeta gidikko, keettaawaa waati haasayissanaakko Qeeraa gallassi tobbiyoogee loꞌꞌo gidana danddayees. Tobbanawu maaddiya hara amarida qofati awugeetee?

• Kiristtaanetu Deꞌuwaanne Haggaazuwaa Xannaꞌiyo Xuufiyan kiyida asaa haasayissiyo qofaa

• Haasayissiyoogaa doommanawu wodiyaa hanotaa woy oduwan odettiyaabaa waati goꞌettanaakko

• Eqettanawu denttiyo meeze gidida qofaa hiillan waati zaaranaakko

• Xoossay baawa giya ura, lodda laamiyan ammaniya ura, hara qaalaa haasayiya ura woy ne heeran baynna haymaanootiyaa kaalliya ura waata haasayissanaakko

• Qassi jw.org saytiyaa, JW Library^® appiyaa woy Geeshsha Maxaafaa waati goꞌettanaakko

• Tamaarissanawu Goꞌettiyo Waanna Miishshatun deꞌiya issi xuufiyaa waati goꞌettanaakko

• Silkkiyan markkattiyoogaa, dabddaabbiyaa xaafiyoogaa, dabaaban markkattiyoogaa, zaarettidi oychchiyoogaa, woy Geeshsha Maxaafaa xannaꞌissiyoogaa mala haggaazuwaa waati haggaazanaakko

• Qohiyaabaappe naagettiyoogaa, asaa eta hanotaadan haasayissiyoogaa, loꞌꞌo eeshshaa, loꞌꞌobaa qoppiyoogaa woy hegaa mala harabaa xeelliyaagan hassayissiyoogaa

• Nabbabanawunne Tamaarissanawu Keehippe Minna giya broshuriyaappe issi timirttiyaa woy biiduwaa

• Nenaara haggaaziya ura waata minttettananne maaddana danddayiyaakko

• Haggaazuwaara gayttida xiqisiyaa woy minttettiyaabaa