Koyro Qeeraa Gallassi Xinaatiyaa Doomissiyoogaa
Uddufune 2011ppe doommidi, aassiyaageeti aginan aginan koyro Qeeraa gallassi Geeshsha Maxaafaa xinaatiyaa doomissanaadan zoree imettiis. Nuuni hegaa oottanaadan maaddanau, asau immiyo Wochiyo Keelan “Geeshsha Maxaafaa Oyshaa Zaaruwaa” giya huuphe yohoy ubbatoo kiyees. Hegaa gishshau, aginan koyro Qeeraa gallassi haggaazuwaa kiyanau shiiqiyo shiiquwan, xinaatiyaa doomissanau giigida ha huuphe yohuwaa loytti qonccissananne xinaatiyaa doomissiyoogaa bessiya ootti-besuwaa shiishshana koshshees.
Gubaaꞌiyaa cimati koyro Qeeraa gallassi haggaazuwaa kiyanau citay ubbaykka dumma dumma shiiqanaadan giigissana danddayoosona; woy citati issippe Kawotettaa Addaraashan shiiqanaadan kuuyana danddayoosona. SHin, daro gubaaꞌee issi Kawotettaa Addaraashan goꞌettikko, citati issippe shiiqanaadan giidi Geeshsha Maxaafaa xinaatiyaa doomissiyo ha dumma gallassaa ay gubaaꞌeenne hara gallassau laammana koshshenna.