Haggaazuwan Kaseegaappe Qara Gidiyoogaa—Maaddiya Lagge Gidiyoogaa
Hegee Keehi Koshshiyoy Aybissee? Hara uraara issippe haggaaziyoogee loꞌꞌo gidiyoogaa Yesuusi akeekiis. Hegaa gishshau, ba erissiyo ashkkaratuppe 70ti sabbakanaadan naaꞌꞌaa naaꞌꞌaa oottidi, bau baanau qoppi uttido katamaa kiittiis. (Luq. 10:1) Issippe haggaaziya uri haggaazuwan ba laggiyaa metiyaabay gakkiyo wode woy i keettaawau woygi zaaranaakko metootiyo wode maaddana danddayees. (Era. 4:9, 10) I ba deꞌuwan beꞌidobaanne haggaazuwan qara gidanaadan maaddiyaabaa banaara haggaaziya urau yootana danddayees. (Lee. 27:17) Issi keettaappe hara keetti biyo wode haasayiyoobankka ba laggiyaa minttettana danddayees.—Pili. 4:8.
Ha Aginan Hagaa Oottanau Mala:
Issi uraara haggaaza simmada, haggaaziyo wode i yootidobay woy oottidobay nena waati maaddidaakko au yoota.