“QAALAA . . . MINNADA [“EESUWAN,” NW ] YOOTA.”—2 XIM. 4:2.
1914 Xeelliyaagan Nu Ammanuwaa Qonccissiyoogaa
Geeshsha Maxaafay nuuni nu ammanuwaa xeelliyaagan “zaaro immanau ubba wode giigi” uttanaadan, qassi “hegaa ashkketettaaninne yashshatettan” oottanaadan minttettees. (1 PHe. 3:15) SHin cimma gidida Geeshsha Maxaafaa qofaa, leemisuwawu Xoossaa Kawotettay 1914n haariyoogaa doommidoogaa waati erana danddayiyaakko qonccissanawu metootana danddayoos. Hegaa gishshawu, nuna maaddana mala naaꞌꞌu shaahoy deꞌiyo, “Geeshsha Maxaafaappe Tobbiyoogaa—Xoossaa Kawotettay Haariyoogaa Doommidoy Awudee?” giya huuphe yohoy giigiis. Ha huuphe yohoy nuuni Xiqimitaaninne Hidaariyan haggaaziyo wode asawu immana Wochiyo Keelaa maxeetetun deꞌees. Ha huuphe yohuwaa nabbabiyo wode, Kaasa geetettida Yihoowa Markkay waati haasayissidaakko akeeka.
Ane ha oyshata qoppa:
• I palamettiyoogaappe maayettanaadan maaddiya qofaa waati goꞌettidee?—Oos. 17:22.
• I ba ammanuwaabaa qonccissiyo wode ashkke gidiyoogaa waati bessidee?—Oos. 14:15.
I . . . nuuni loꞌꞌo giyoy aybissee?
• harabaa yootanaappe kase koyro tobbidobaa zaarettidoogaa,
• qonccissiiddi takkidobaa bitanee akeekidaakkonne issi issitoo takki giidi oychidoogaa,
• issi kutti darobaa tamaarissanawu koyibeennaagaa.
Ciimma gidida Geeshsha Maxaafaa tumaa eranawu keehi koyiya asawu qonccissanaadan nuna tamaarissiyo gishshawu, nu gita ‘asttamaariyaa’ Yihoowa keehi galatoos!—Isi. 30:20.