“Ha Azazota Ne Wozanan Wotta”

Yelidaageeti henttancha mala. Naati bayana, qassi sohuwaara qohettana danddayiyo gishshawu yelidaageeti eta loytti naagana bessees. (Lee. 27:23) Yelidaageeti he aawatettaa waati polana danddayiyoonaa? Naatu qofaynne eta wozanan deꞌiyaabay aybakko eranawu, yelidaageeti ubba galla etaara haasayiyo wodiyaa bazzana bessees. (Lee. 20:5) Qassi, yelidaageeti bantta naatu ammanuwaa tamaa danddayiyaaban minttana bessees. (1 Qor. 3:10-15) “Ha Azazota Ne Wozanan Wotta” giyo biidoy so asaa goynuwawu aggennan shiiqiyoogaa goꞌꞌaa qonccissees. Hegaa so asaara issippe beꞌidi, kaallidi deꞌiya oyshata tobbite.

(1) Ishaa Romaana keettaa asay ayyaanaabaa qoppiyoogaa aggidoy aybissee? (2) Ishaa Romaani koyro heeran so asaa goynuwawu baaxetikkokka hegee hanennan ixxidoy aybissee? (3) Geeshsha Maxaafay yootiyo, naata loytti dichanawu maaddiya zoree awugee? (Zaa. 6:6, 7) (4) So asay issoy issuwaara loꞌꞌo hanotan haasayanaadan maaddiyaabay aybee? (5) Naati koyiyoobay, yelidaageeti bantta goꞌꞌa gididabaa ay agganaadaanee? (6) Ishaa Baaroynne a keettaayiyaa Romaana keettaa asaa waati maaddidonaa? (Lee. 27:17) (7) So asaa goynoy ushachanaadan so asawu huuphe gididaageeti kasetidi ay oottana bessii? (8) Ishaa Romaani ba soo asaa hanotaa kaseegaappe loyttanawu ay oottidee? (9) So asaa goynuwawu aggennan shiiqiyoogee keehi koshshiyaaba gidiyoy aybissee? (Efi. 6:4) (10) So asaa goynuwaara gayttidaagan maaddiya issi issibay aybee? (11) Suurebaa oottiyoogee keehi koshshiyaaba gidiyoogaa Markkusi akeekanaadan Ishaa Romaani leddi giidi mintti yootidoy ayba ogiyaanee? (Erm. 17:9) (12) Ishaa Romaaninne a keettayiyaa bantta naꞌiyaa Irbbiqa Jasttinaara deꞌiya laggetettaara gayttidaagan suurebaa kuuyanaadan o waati maaddidonaa? (Mar. 12:30; 2 Xim. 2:22) (13) Ishaa Romaaninne a keettaayiyaa bantta deꞌuwan issi issibaa oottiyoogan ammanuwaa waati bessidonaa? (Maa. 6:33) (14) Ha biidoy so asawu huuphe gidiyaageeti bantta soo asawu ayyaanaaban koshshiyaabaa kunttana bessiyoogaa waati qonccissii? (1 Xim. 5:8) (15) Neeni so asawu huuphe gidikko, ay oottanawu murttadii?

AAWATUYYO AKEEKISSUWAA: Ha diraamay 2011n shiiqido killiliyaa shiiquwan beꞌidoba. He wode, neeni ne soo asaa goynuwaara gayttidaagan giigissana bessiyoobi deꞌiyoogaa akeekadii? Haꞌꞌi shin? Giigissana koshshiyo harabi deꞌikko, ne soo asay merinawu goꞌettanaadan, hayyanaa Yihoowakko woossiyoogan hegaa giigissa.—Efi. 5:15-17.