Asaa Haasayissiyoogaa Doommanawu Giigida Oorattabaa

Asawu immiyo Wochiyo Keelaa wurssetta sinttan deꞌiya qofay, Ichashe 2016ppe doommidi, “Geeshsha Maxaafay Woygii?” gees. He qofay Geeshsha Maxaafaappe asaara haasayaa doommanaadan nuna maaddanawu giigidaba. Hegee nu trakttetuugaadan giigiis. Hegan issi uri ba qofaa yootanaadan oychidi Geeshsha Maxaafaappe zaariyo zaaroynne tobbiyo hara qofaykka deꞌees.

Geeshsha Maxaafaa qofaa ufayssiya hanotan tobbiyoogee darotoo xinaatiyaa doomissanawu maaddees. Ha ooratta qofaa ayyaanaabaa namisettidaageeta maaddanawu goꞌettite.—Maa 5:6.

WAATI GOꞌETTANEE?:

1. Oyshatuppe issuwaa xeelliyaagan keettaaway ba qofaa yootanaadan oychite

2. I zaariyoobaa ezggite, qassi a qofaa akeekidoogaa qonccissite

3. “Geeshsha Maxaafaa Qofaa” giyaagaa garssan deꞌiya xiqisiyaa nabbabite, qassi he xiqisiyaabaa woygi qoppiyaakko yootanaadan a oychite. Tobbanawu ayyo wodee deꞌikko, “Geeshsha Maxaafaappe Harabaa Ay Tamaarana Danddayiyoo?” giyaagaa garssan deꞌiya qofaappe issuwaa tobbite

4. Maxeetiyaa immite

5. Simmi yiidi naaꞌꞌantto oyshaa tobbanawu issippe halchite