Geeshsha Maxaafay Nuna Ay Tamaarissii? —Waati Goꞌettanee?

Ay Tamaarissii giyo maxaafaynne Geeshsha Maxaafay Tamaarissiyoy giyo maxaafay daroban issi mala. Tamaarissanawu goꞌettiyo ha naaꞌꞌu miishshatikka tumaa tamaarissiyo maaray dummatenna. Gidikkokka, Ay Tamaarissii giyo maxaafan akeekanawu metenna qaalatinne qonccissoti deꞌoosona. Ha maxaafay Geeshsha Maxaafay Tamaarissiyoy giyo maxaafaa qofaa akeekanawu metootiyaageetuyyo giigiis. Ay Tamaarissii giyo maxaafan gujo timirttiyaa gidennan, wurssetta qofaa giyo shaahoy deꞌees; hegee shemppo giddon deꞌiya amarida qaalatanne qofata qonccissees. SHemppotu doomettan oyshay, qassi wurssettan he oyshatu zaaroy deꞌenna. SHin shemppuwan qonccida qofaa Geeshsha Maxaafaa tumaa amppidi zaarettees. Aginan immiyo waanna xuufee a gidana xayikkokka, Geeshsha Maxaafay Tamaarissiyoy giyo maxaafaagaadan Ay Tamaarissii giyo maxaafaakka ubba wode asawu immana danddayoos. Asaa xannaꞌissiyo wode Ay Tamaarissii giyo maxaafan deꞌiya dummabaa waati goꞌettana danddayiyoo?

ZAARETUWAA: Daro asaa, Geeshsha Maxaafay Tamaarissiyoy giyo maxaafaa menttota nabbabidi oyshaa oychiyoogan xannaꞌissoos. Xannaꞌissiyo uri maxaafay xaafettido qaalaa woy nabbabiyoogaa loytti erennaba gidikko shin? Hegaadaana gidikko, Ay Tamaarissii giyo maxaafaa goꞌettanawu koyana danddayaasa. Yaatikko, xannaꞌissanawu shemppotu zaaretuwaa goꞌettana, qassi kumetta shemppuwaa tamaaree ba huuphe nabbabanaadan minttettana danddayoos. SHemppotu wurssettan deꞌiya Geeshsha Maxaafaa tumaa huuphiyan huuphiyan xannaꞌissanawu 15 daqiiqay gidana danddayees. Waanna shemppuwan deꞌiya qofa ubbaa he zaaretoy qonccissenna gishshawu, xannaꞌissiyaagee tamaariyawu koshshiyaabaa qoppidi loytti giigettana bessees. Xannaꞌissiyaagee waanna shemppuwaa xannaꞌissiyaaba gidikko, wurssettan he zaaretuwaa goꞌettana danddayees.

WURSSETTA QOFAA: Wurssetta qofan deꞌiya qaalatinne qofati waannaa shemppuwaa maaraa kaallidi deꞌoosona. Ay Tamaarissii giyo maxaafaa xannaꞌiyo wode wurssetta qofaa tobbanawu woy agganawu asttamaaree kuuyana danddayees.