Haggaazuwan Kaseegaappe Qara Gidiyoogaa​—Markkattanawu Maaddiya Ogiyan Asaa Haasayissiyoogaa

Yesuusi Samaare biittaa maccaaseera haasayiyoogaa doommido gishshawu, iyyo markkattana danddayiis. Erenna asaa haasayissiyoogaa doommiyoogan kaseegaappe waani qara gidana danddayiyoo?

• Asaa pashkki gaada haasayissa. Yesuusi daafuridaba gidikkokka, haattaa ushshanaadan oychiyoogan haasayissiyoogaa doommiis. Yaatiyo gishshawu, pashkki ga sarotada, carkkuwaa hanotaabaa woy mata wode hanida harabaa yoota. Ne koyro halchchoy haasayissiyoogaa doommanaassa gidiyoogaa hassaya; yaatiyo gishshawu, izaawa ufayssana danddayiyaabaa aybakka gidin yoota. I woy A haasayana koyennaba gidikko, metoy bawaa. Hara uraa haasayissanawu mala. Nena xalissana mala Yihoowa woossa.—Nah 2:4; Oos 4:29.

• Hanotay injjetiyo wode mishiraachchuwaa yootanawu akeekanchcha gida; shin yootanawu ellelloppa. Haasayay bawu aakki aakki bo. Neeni koyiyoobaa xallaa haasayissikko, izaawu hegaa dosennan ixxidi haasayiyoogaa aggiigana danddayees. Neeni markkattennan deꞌishin, haasayay eqqiyaaba gidikko, hidootaa qanxxoppa. Qassi mishiraachchuwaa yootanawu yayyikko, markkattanawu halchchennan asaa haasayissuwaa doommiyoogaa meezeta. [Biido 1 bessa; yaatin tobbite.]

• Ne ammanuwaara gayttidabaa wozanappe yootada, ne haasayissiyo uri oyshaa denttanaadan oottiyoogan markkattanawu hanotaa injjeyanawu mala. Yesuusi haasayanawu maaddiya qofaa yootido gishshawu, maccaasiyaa oyshaa denttaasu. I guyyeppe mishiraachchuwaa yootiyo wode I oyshawu zaaro gidiyaabaa yootiis. [Biido 2 bessa; yaatin tobbite; hegaappe simmin biido 3 bessa; yaatin tobbite.]