Haasayissiyo Qofaa Goꞌettiyo Ogiyaa

Ichchashe 2018⁠ppe doommidi, haasayissiyo qofay Kiristtaanetu Deꞌuwaanne Haggaazuwaa—Xannaꞌiyo Xuufiyan koyro sinttan kiyiiddi deꞌees. Nuuni hegeeta waati goꞌettana danddayiyoo?

Tamaaretu Kifilee Imettiyo Wode: Oyshaa, xiqisiyaanne haroode giyaageeta haasayissiyo qofaappe neeni goꞌettana koshshees. SHin hegaa giyoogee asaa haasayissiyo biiduwan deꞌiya qaalata muleera goꞌettana koshshees giyoogaa gidenna. Neeni dumma dumma hanotaa, haasayissiyo qofaa, qonccissuwaanne hegaa malabaa goꞌettana danddayaasa. Qassi kifiliyan odettana xayikkonne, Tamaarissanawu Goꞌettiyo Waanna Miishshatuppe xuufiyaa immana danddayaasa.

Haggaaziyo Wode: Haasayissiyo qofay giigidoy haggaazuwawu maaddiyaabaa demmanaassa. Issi uri gujjidi eranawu keehi koyikko, geella zaarettidi oychchiyo wodiyan deꞌiya qofaa goꞌettada gujjada tobbana danddayaasa. Haasayissiyo qofaa ne koyiyoogaadan giigissana woy muleera dummatiya qofaa goꞌettana danddayaasa. Aadhdhida aginan deꞌiya qofay woy hara xiqisee ne moottan deꞌiya asaa ufayssannee? Mata wode hanidabay woy heeran polettidabay ne heeran deꞌiya asaa ufayssii? Neeni goꞌettiyo haasayissiyo qofay ayba gidikkokka, ne halchchoy “wonggeliyaa anjjuwaa shaakkanau, wonggeliyaa gishshau, ubbabaa [oottiyoogaa]” gidana bessees.—1Qor 9:22, 23.