KIRISTTAANETI DEꞌIYO DEꞌUWAA
Aqinye Gidiyoogan Yihoowa Sabba
Israaꞌeelati Yihoowa sabbanaadan oottiya gita gaasoy deꞌees. I eta Gibxxeppe kessiisinne Paaroona olanchchatuppe ashshiis! (Kes 15:1, 2) Yihooway ba asawu loꞌꞌobaa oottiyoogaa aggibeenna. Nuuni galatiyoogaa waati bessana danddayiyoo?—Maz 116:12.
Issi ogee kaafiya aqinye woy ubba wode aqinye gididi haggaaziyoogaana. Aqinye gidada haggaazanawu neeyyo koshshay deꞌanaadaaninne wolqqaa immanaadan woossana danddayaasa. (Pili 2:13) Daroti koyro kaafiya aqinye gidoosona. Neeni Laappunenne Hosppune aginatun, qassi woradaa xomoosiya ishay intte gubaaꞌiyaa xomoosiyo wode, 30 woy 50 saatiyaappe doorada haggaaziyoogan kaafiya aqinye gidana danddayaasa. Neeni kaafiya aqinye gidada haggaaziyoogee ay keenaa ufayssiyaakko akeekiyo wode, ubba wode aqinye gidada haggaazanawu koyana danddayaasa. Ubba qassi kumetta gallassaa oottiya woy payyatettaa pacay deꞌiyo issoti issoti ubba wode aqinye gididi haggaazoosona. (mwb16.07 8) Nuuni Yihoowa sabbanawu oottiyo ubbabay awu bessiyaaba!—1Odi 16:25.
MONGGOOLIYAA BIITTAN DEꞌIYA HEEZZU MICHCHONTTA, GIYO BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:
He heezzu michchontta gakkida paacee aybee, qassi aqinye gidanawu he metuwaa waati xoonidonaa?
Eti demmido anjjoy aybee?
Eti ubba wode aqinye gididi haggaazido gishshawu hara ay ogiyan Yihoowawu haggaazana danddayidonaa?
Eti oottidobay harata waati maaddidee?