MINNADA HAGGAAZA | HAGGAAZUWAN UFAYTTITE
Intte Xannaꞌissiyoogeeti Geeshsha Maxaafaa Waati Xannaꞌanaakko Eranaadan Maaddite
Xinaateti Yihoowa eranaadaaninne kayma Kiristtaane gidanaadan maaddanawu, nuuni xannaꞌissiyoogaappe aarobaa eti tamaarana koshshees. (Maa 5:3; Ibr 5:12–6:2) Eti Geeshsha Maxaafaa waati xannaꞌanaakkokka erana koshshees.
Koyruwaappe doommidi, intte xinaateti xinaatiyawu waati giigettanaakko bessite qassi eti giigettanaadan minttettite. (mwb18.03 6) Eti bantta xinaatiyaa doommanaappe kase woossanaadan minttettite. Xinaatiyawu elektronike miishshata loytti goꞌettanaadan maaddite. Qassi jw.org sayttiyan kiyida oorattabaanne JW Broadcasting® waati demmanaakko etawu qonccissite. Geeshsha Maxaafaa ubba galla nabbabanaadan, gubaaꞌe shiiqotuyyo giigettanaadaaninne eti bantta oyshatuyyo zaaruwaa demmanawu pilgganaadan eta loddan loddan tamaarissite. Eti tamaariyoobaa wotti dentti qoppanaadan maaddite.
GEESHSHA MAXAAFAA INTTE XANNAꞌISSIYOOGEETA MAADDITE WAATI XANNAꞌANAAKKO ERANAADAN GIYO BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:
Xannaꞌiyoogee oyshaa zaaruwaa eriyoogaappe aarobaa gidiyoogaa Jeeda akeekanaadan Niita O waata maaddadee?
SHaaramuxiyoogaa Yihooway diggidoogee likke gidiyoogaa Jeeda ammanettanaadan O aybi maaddidee?
Intte xinaateti maaddiyaabaa waati tamaaranaakkonne hegaa waati goꞌettanaakko tamaarissite
Wotti dentti qoppiyoogaabaa Jeeda ay akeekadee?