Mata Wode Hanidabaa Haggaazuwan Goꞌetta

Yesuusi haggaaziyo wode mata wode hanidabaa goꞌettiis. (Luq 13:1-5) Asay Kawotettaa mishiraachchuwaa siyanaadan, neenikka mata wode hanidabaa goꞌettana danddayaasa. Ubbabay keehi alꞌꞌidoogaa, meretay gattiyo daafabaa, deree kawuwaa bolli denddiyoogaa, jallissiyaabaa goꞌettiyoogaa woy hegaa mala hara qofaa yootada, eti yuushshi qoppanaadan oottiya oyshaa oychcha. Hagaadan oychchana danddayaasa: “. . . xayana gaada qoppay?” woy “. . . ay oottiyaakko giigana gaada qoppay?” Yaatada, hegawu haniya xiqisiyaa nabbaba. Keettaway gujjidi eranawu koyikko, biiduwaa bessa woy Tamaarissanawu Goꞌettiyo Waanna Miishshatun deꞌiya xuufiyaappe issuwaa imma. Nu moottan deꞌiya asaa wozanaa denttettanawu baaxetiyo wode, “wonggeliyaa gishshau, ubbabaa” oottana danddayoos.—1Qor 9:22, 23.

Ne moottan deꞌiya asaa ufayssana danddayiya qofay awugee?