Haggaazuwan Kaseegaappe Qara Gidiyoogaa—Hanotaadan Laamma

HEGEE KEEHI KOSHSHIYOY AYBISSEE? Tiyettidaageetinne hara dorssati asa ubbay ‘deꞌo haattaa coo ekkanaadan’ shoobboosona. (Ajj 22:17) Ha haattay azazettiya asaa nagaraappenne hayquwaappe ashshanawu Yihooway immiyo ubbabaa bessiyaaba. Dumma dumma wogaynne haymaanootee deꞌiyo asaa maaddanawu nuuni “merinaa wonggeliyaa mishiraachchuwaa” yootana koshshees.—Ajj 14:6.

WAATANA DANDDAYIYOO?

• Intte moottan deꞌiya asaa wozanaa denttettiya issi huuphe yohuwaanne issi xiqisiyaa doorite. Haasayissiyo qofaa woy kase intte goꞌettiyo issi loꞌꞌo qofaa doorana danddayeeta. Asaa ufayssiya huuphe yohoynne xiqisee awugee? Mata wode oduwan siyido daro asay qoppiyoonne haasayiyoobay deꞌii? Attuma asa woy macca asa ufayssiyaabay aybee?

• Intte heeraa meeziyaadan sarotite.—2Qor 6:3, 4

• Siyanawu koyiya issi urawu yootanawu Tamaarissanawu Goꞌettiyo Miishshatun deꞌiya xuufetanne biidota loytti erissite

• Intte moottan intte demmiyo asaa qaalan giigidabata dawunlode oottite

• Intte demmiyo keettaawaa hanotaadan huuphe yohuwaa laammite. (1Qor 9:19-23) Leemisuwawu, he keettaaway siiqiyo uri mata wode hayqqidoogaa intte akeekiyaakko, woyguuteetii?

BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Aassiyaagee keettaawaara haasayaa doommanawu goꞌettido huuphe yohoy aybee?

• Keettaawaa gakkidabay aybee?

• He hanotawu bessiya xiqisee awugee, qassi aybissi?

• Intte moottan deꞌiya asay siyanawu koyanaadan yootiyo ogiyaa waata laammana danddayay?