Geeshsha Maxaafaa Xannaꞌissiyoogaara Gayttida Biidota Goꞌettiyo Ogiyaa

Nuuni haggaaziyo wode Geeshsha Maxaafaa xannaꞌissanawu goꞌettiyo oyddu biidoti deꞌoosona. Eti ayba halchchuwan giigidonaa?

• 

  Geeshsha Maxaafaa Xannaꞌana Koshshiyoy Aybissee?—Kumetta Biiduwaa giya ha biidoy issi uraa haymaanootee ayba gidikkonne I Geeshsha Maxaafaa xannaꞌanawu koyanaadan minttettanawu giigiis. A beꞌiyaageeti deꞌuwan keehi koshshiya oyshatussi zaaruwaa Geeshsha Maxaafaappe koyanaadaaninne hegan deꞌiya zaaruwaa akeekanaadan ha biidoy minttettees. Geeshsha Maxaafaa xannaꞌanawu waati oychchanaakko yootees.

• 

  Geeshsha Maxaafaa Xannaꞌana Koshshiyoy Aybissee? (qantta biiduwaa) giya ha biidoy kumetta biiduwaara issi mala gidikkonne heezzu kushe gidiyaagaa guuxxees. Haasayanawu asaassi daro wodee baynna moottatun ha biidoy keehi maaddiyaaba gidana danddayees.

• 

  Geeshsha Maxaafaa Waati Xannaꞌiyoo? giya ha biidoy miishshaa qanxxennan asay nunaara Geeshsha Maxaafaa xannaꞌanawu koyanaadan minttettanawunne xannaꞌanawu oychchiyoogaa gujjin, asay oychchiyo amarida oyshata zaaranawu giigiis.

• 

  Geeshsha Maxaafaa Xannaꞌanawu Hashshu Saro Yaadasa! giya ha biidoy Geeshsha Maxaafaa xannaꞌiyaageeti beꞌanaadan giigiis. He biidoy Merinawu Ufayttada Deꞌa! giyo maxaafan naaꞌꞌantto sinttan qonccidaba gidikkonne, Merinawu Ufayttada Deꞌa! giya brooshuriyaa xannaꞌissiyo wode bessana danddayettees. Ha biidoy maxaafay qonccissiyoobaanne tobbiyo wode xinaate naagana danddayiyoobaa yootees.

Biidoti ubbay giigido halchchoy deꞌikkonne, likke wodiyan hegaappe awugaanne asaa bessana woy asawu kiittana danddayoos. Aassiyaageeti he biidota loytti eranaadaaninne haggaazuwan loytti goꞌettanaadan minttettoos.