Cenggurssan Giigida Geeshsha Maxaafaappe Loytti Goꞌettiiddi Deꞌeetii?

Cenggurssan giigida Geeshsha Maxaafaa giyoogee woygiyoogee? Hegee cenggurssan duuqettida zaarettidi giigissido Ooratta Alamiyaa Birshshettaa giyoogaa. Hegee danddayettida keenan loddan loddan daro doonatun kiyiiddi deꞌees. Cenggurssan giigida Geeshsha Maxaafay keehi maaddiyaaba gidido issi ogee Geeshsha Maxaafan etabay odettido asati haasayidobaa duuqqanawu dumma dumma asata goꞌettidoogaa. Geeshsha Maxaafan deꞌiya qofaa likke ogiyan qonccissanawu qaalata minttiyoogaaninne bessiyaagaadan nabbabettees.

Issooti issooti cenggurssan giigida Geeshsha Maxaafaappe waati goꞌettiyoonaa? Cenggurssan giigida Geeshsha Maxaafa ubbatoo ezggiya daroti Xoossaa Qaalay etawu qoncce gididoogan keehi ufayttoosona. Geeshsha Maxaafan etabay odettidoogeetubaa dumma dumma asati nabbabishin siyiyoogee eti hanotaa beꞌidabadan qoppanaadaaninne xaafettidabaa loytti eranaadan oottiyoogaa akeekidosona. (Lee 4:5) Cenggurssan giigida Geeshsha Maxaafaa ezggiyoogee eti unꞌꞌettiyo wode woppu gaanaadan oottiyoogaakka daroti akeekidosona.—Maz 94:19.

Xoossaa Qaalaa cenggurssaa xoqqu oottidi nabbabettishin siyoogee nuna keehi maaddana danddayees. (2Odi 34:19-21) Neeni akeekiyo qaalan cenggurssan giigida Geeshsha Maxaafay kumettay woy baggay deꞌiyaaba gidikko, hegaa ezggiyoogaa meeze ootta.

GEESHSHA MAXAAFAA CENGGURSSAN GIIGISSIYOOGAA—GIYAAGAAPPE EKETTIDAAGAA GIYA BIIDUWAA BEꞌITE; YAATIDI KAALLIDI DEꞌIYA OYSHAA ZAARITE:

Geeshsha Maxaafaa cenggurssan giigissiyoogaa xeelliyaagan nena ufayssidabay aybee?