KIRISTTAANETI DEꞌIYO DEꞌUWA
Yelidaageetoo—Intte Naati Xoossaa Aadhdhida Eratettaa Demmanaadan Maaddite
Yelidaageeti bantta naati Xoossaa aadhdhida eratettaa demmanaadan maaddana danddayiyo keehi loꞌꞌo ogee, gubaaꞌe shiiqotuppe eti loytti goꞌettanaadan oottiyoogaa. Yelagati shiiqotun bantta qofaa yootiyogee, loytti beꞌiyogeenne ezggiyogee eti Yihoowabaa tamaaranaadaaninne ayyo mata dabbo gidanaadan maaddees. (Zaa 31:12, 13) Intte yelidaageeta gidikko, intte naꞌi shiiqotuppe loytti goꞌettanaadan waati maaddana danddayeetii?
SHiiquwa Addaraashaa biidi shiiqanawu intteyyo danddayettida ubbabaa oottite.—Maz 22:22
SHiiqoy doommanaappe kase woy wuri simmin ishanttuuranne michchonttuura wodiya aattite.—Ibr 10:25
SHiiquwan xannaꞌiyo xuufee elektiroonike meran woy attamettidaagee intte so asawu ubbawu deꞌiyakkonne akeekite.
Intte naꞌi zaariyo wode xuufiyappe nabbabidi gidennan, wozanappe yootanawu giigettanaadan maaddite.—Maa 21:15, 16.
SHiiqotubaanne yan tamaariyobaa xeelliyagan loꞌꞌobaa haasayite
Intte naati SHiiquwa Addaraashaa geeshshanaadaaninne layttan cimidaageetuura haasayanaadan maaddite.
Intte naati Yihoowaara dabbotaa minttanaadan maaddiyogee keehi deexxiyaba intteyyo milatana danddayees. SHin Yihooway inttena maaddanaagaa ammanettana danddayeeta.—Isi 40:29
YELIDAAGEETOO, YIHOOWANINNE I IMMIYO MINTTETTUWAN AMMANETTITE GIYA BIIDUWA BEꞌITE; YAATIDI KAALLIDI DEꞌIYA OYSHATA ZAARITE:
Daafuray Zaakanne Liyo waati qohidee?
Yelidaageeti minttettuwa demmanawu Yihoowa woossana koshshiyoy aybissee?
Yihoowan ammanettiyogee Zaakanne Liyo ayba ogetun maaddidee?