Guuggiyaa Sahuwaa Xayssanawu Xoossay Qaalaa Geliis
Guuggiyaa sahuwan waayettiyaageeta Xoossay Geeshsha Maxaafaa baggaara maaddiyaabaa zoreesinne minttettees.
SHin, Xoossay hegaappe aarobaa oottana danddayees. Guuggiyaa harggiyawu gaaso gidida ubbabata I merinawu xayssanawu qaalaa geliis.
Xoossay he qaalaa poliyo wode, yibbaatiyoogee, guuggiyaa sahettiyoogeenne kasebaa qoppidi azzaniyo ubbabay “mule hassayettennanne qofettenna.”—Isiyaasa 65:17.
Xoossay qaalaa gelido ha minttettiyaabay awude, qassi waanidi polettanaakko neeni eranaadan maaddanawu Yihoowa Markkati keehi koyoosona.