Olay Keehi Yashshiyaba

“Keehi daganttiyabata, hegeekka wolqqaama daafay gakkiyogaa woy asay hayqqiyogaa ubbasan beꞌana danddayaasa. Ubbatookka hirggissees.”—Geera, Birttaaniya.

“Ta zokkuwanne somꞌꞌuwa xiitee shociis, qassi naatanne cimidaageeta gujjin, daroti hayqqidoogaa beꞌaas. Olay neeni waayiyawunne hayquwawu darin dagammennaadan oottees.”—Wilmaara, Kolombbiya.

“Ne sinttan issi ura bolli tokkosikko, hegee elle dogettiyaba gidenna. He uri waassiyogeenne ooliyogee ayfiyappe kichchenna. He urabaa dogakka—ee mulekka.”—Zafiiro, Amarkkaa.

“Taani hegaappe simmin mule ufayttana danddayennabadan qoppaas. Nena ne deꞌuwabay qofissees, shin hegaappekka aaruwan qofissiyabay intte soo asaanne ne laggetu deꞌuwa.”—Oleksanddiro, Yukireene.

“Tokkosettiya xiitee nuna shocana gi hirggiiddi, qumaayyo salppettidi bilahe 8:00 saatiyappe biidi wonttetta gallassi qammaappe 5:00 saate gakkanawu naagiyogee keehi yashshiyaba.”—Daalera, Tajikisttaane.

“Tana yelidaageeti olan hayqqidosona. Olaa gaasuwan taani aaya aawu baynna naꞌa gidaas, qassi tana minttettiyay woy tawu koshshiyabaa kunttiyay oonne baa.”—Maariyo, Ruwandda.