Heregadan Geeshsha Maxaafaa Goꞌetta

Yesuusa kaalliya Yaaqoobi nu garssa oonatettaa bessiya Geeshsha Maxaafaa heregan leemisiis. (Yaaq. 1:22-25) Heregadan Geeshsha Maxaafaa waati maara goꞌettana danddayiyoo?

Loytta nabbaba. Nuuni heregaa eesuwara xeellidi aggikko, giigissana koshshiyabaa akeekennan aggana danddayoos. Hegaadankka nuuni Geeshsha Maxaafaa eesuwan nabbabikko, giigissana koshshiyabaa akeekennan aggana danddayoos. Giigissana koshshiyabaa akeekanawu, Geeshsha Maxaafaa nuuni loytti nabbabana koshshees.

Haratuugan gidennan, neeni giigissana koshshiyaban xeelaa wotta. Issi issitoo nuuni heregaa xeelliyo wode, haratubaakka beꞌana danddayoos; qassi eti giigissana koshshiyaban xeelaa wottana danddayoos. Hegaadankka nuuni Geeshsha Maxaafaa nabbabidi harati giigissana koshshiyabaa qoppana danddayoos. Shin yaatiyogee nu mooruwa giigissanawu maaddenna.

Bessiyagaadan qoppa. Nuuni heregay bessiyo moorettidabatu xalaala qoppikko hidootaa qanxxana danddayoos. Nuuni Geeshsha Maxaafaa nabbabiyo wode, Yihooway nuuppe naagiyogaappe aarobaa nuuppe naagennan aggiyogan, bessiyagaadan qoppana koshshees.—Yaaq. 3:17.