Geeddarssanawu Maaddiyabatun Goꞌetta

Geeddarssanawu maaddiyabati deꞌiyo Geeshsha Maxaafaa Ooratta Alamiya Birshshettaa Amaarattuwa woy Inggilizettuwa mala hara doonatun demmana danddayaasa. Hegeeti gujo qofaa oyqqida hara xiqisetuura dabboyiyogan kumetta Geeshsha Maxaafay issoy issuwara maayettiyogaa bessoosona. Geeddarssanawu maaddiyabata demmanawu issi qaalaappe kaallidi deꞌiya qeeri pitaliya koya. Attamettida Geeshsha Maxaafatun, issoy issuwara gayttiya xiqiseta demmanawu giddo woy gaxa ginan he qeeri pitaliya koya. Qassi jw.org saytiyan woy JW Laybireeriyan, geeddarssanawu imettida xiqiseta beꞌanawu qaalaappe kaallidi deꞌiya pitaliya bochcha.

Geeddarssanawu maaddiyabati neeni kaallidi deꞌiyabatanne harabata demmanaadan goꞌꞌana danddayoosona:

Issi mala taarikiya: Geeddarssanawu imettidabati issi mala taarikee deꞌiyo hara sohuwa neeni demmanaadan maaddoosona. Leemisuwawu, 2 Sameela 24:1nne 1 Hanidabaa Odiya 21:1 xeella.

Koyro geetettida qofaa: Geeddarssanawu imettidabay amarida qofay woykko kumetta qofay awuppe ekettidaakko bessees. Leemisuwawu, Maatiyosa 4:4nne Zaarettido Wogaa 8:3 xeella.

Polettida hiraagaa: Geeddarssanawu imettidabay issi hiraagaanne A poluwa yootees. Leemisuwawu, Maatiyosa 21:5nne Zakkaariyaasa 9:9 xeella.