Yesuusi Hiyyeesatettaa Xayssana

Yesuusi saꞌan deꞌiyo wode, hiyyeesatanne unꞌꞌettidaageeta gujjin, asaa keehi siiqiyogaa bessiis. (Maatiyosa 9:36) I ubba haratu gishshawu ba shemppuwa yarshshiis. (Maatiyosa 20:28; Yohaannisa 15:13) Matan, I Xoossaa Kawotettaa Kawo gidiyo ba maataanne wolqqaa goꞌettidi saꞌaappe hiyyeesatettaa muleera xayssiyogan, asaa siiqiyogaa zaarettidi qonccissana.

Yesuusi oottanabaa Geeshsha Maxaafay hagaadan giidi ufayssiya ogiyan qonccissees:

• “He kawoi asaa giddon naaqettidaageetu gishshaa mootetto; hiyyeesata i ashsho.”—Mazamure 72:4.

Yesuusi nuuyyo kase oottidonne mata wode oottana ubbabaa gishshawu galatiyogaa waati bessana danddayiyoo? Hegaadan oottana danddayiyo issi ogee, I markkattido, “Xoossaa Kawotettaa mishiraachchuwa” xeelliyagan tamaariyogaana. (Luqaasa 4:43) “Xoossaa Kawotettay Aybee?” giya huuphe yohuwa nabbaba.