Yesuusi Olaa Xayssana

Yesuusi saꞌan deꞌiyo wode, asaa keehi siiqiyogaappe denddidaagan, eta gishshawu ba shemppuwa yarshshiis. (Maatiyosa 20:28; Yohaannisa 15:13) Matan, I Xoossaa Kawotettaa Kawo gidiyo ba maataa goꞌettidi “sa7aa gaxaa gakkanaassi de7iya olaa” xayssiyogan, asaa siiqiyogaa zaarettidi qonccissana.—Mazamure 46:9.

Yesuusi oottanabaa Geeshsha Maxaafay waati qonccissiyakko akeeka:

• “A xeesiya hiyyeesata, naaqettidaageetanne maaddiyaabi bainnaageeta i ashshees. Hiyyeesatussinne manqqotussi i qarettees; hiyyeesatu shemppuwaa ashshees. Eta naaquwaappenne makkalaappe i wozees.”—Mazamure 72:12-14.

Yesuusi nuuyyo kase oottidonne mata wode oottana ubbabaa gishshawu galatiyogaa waati bessana danddayiyoo? Issi ogee, I markkattido “Xoossaa Kawotettaa mishiraachchuwa” gujjidi tamaariyogaa. (Luqaasa 4:43) “Xoossaa Kawotettay Aybee?” giya huuphe yohuwa nabbaba.