Kumetta Saꞌan Dariiddi Deꞌiya Iitatettaa—Geeshsha Maxaafay Woygii?

Makkalanchchati Heyti biittan wolqqaama qohuwa gattidosona. Tohossa Afirkkan, qassi Mekisiikooninne hara Laatiine Amarkkaa biittatun keehi iita danobaa oottiyageeti deꞌoosona. Makkalay darenna heeratun deꞌiyageetikka, bonqqiyogaa, aquwa xayssiyogaanne xuuggiyogaa mala danobaa oduwa siyiyo gishshawu keehi unꞌꞌettoosonanne hirggoosona.

Kumetta saꞌan deꞌiya iitatettaabaa Geeshsha Maxaafay woygii?

Iitatettaa xeelliyagan Geeshsha Maxaafay kasetidi yootidobaa

Iitatettay “wodiya wurssettawu” malaata gidanaagaa Geeshsha Maxaafay kasetidi yootiis. (Maatiyosa 24:3) Yesuus Kiristtoosi he wode hananabatubaa qonccissiyo wode hagaadan giis:

• “Iitatettay dariyo gishshawu, daro asaa siiqoy irxxana.”—Maatiyosa 24:12.

Geeshsha Maxaafay “wurssetta gallassi” asati “banttana naagennaageeta, kehennaageeta, [qassi] lo77obaa dosennaageeta” gidanaagaakka kasetidi yootiis. (2 Ximootiyoosa 3:1-5) Ba xallaa siiqiyogaa bessiya hegaa mala eeshshati ha wodiyan iitatettay daranaadan oottidosona.

Shin nuussi hidootay deꞌees. Geeshsha Maxaafay matan iitatettay muleera xayanaagaa yootees.

• “Iitaa oottiyaageeti guutta wodiyaappe guyyiyan de7okkona; neeni eta koyiyaakkokka eti beettokkona. SHin ashkketi biittaa laattana; eti sarotettaaninne duretettaani ufaittidi daana.”—Mazamure 37:10, 11.

Geeshsha Maxaafay yootiyo hidootaabaanne ha wodiyan haniyabati Geeshsha Maxaafaa hiraagay polettanaadan oottiyogaa neeni ammanettana danddayiyoy aybissakko gujjada era. Kaallidi deꞌiya huuphe yohota beꞌa.

“Sinttappe Loꞌꞌo Wodee Yaanaagaa Ammanettana Danddayiyoo?”

“‘Wurssettaa Gallassaa,’ Woy ‘Wodiyaa Wurssettaa’ Malaatay Aybee?”

“Nu Wodiyan Deꞌiya Asaa Eeshshaabaanne Hanotaabaa Geeshsha Maxaafay Kasetidi Yootii?”