Yihoowa Markkati Haymaanootee Deꞌiyo Asaa Haasayissiyoy Aybissee?

Haymaanootee deꞌiyo daro asay nunaara Geeshsha Maxaafaabaa haasayanawu koyiyoogaa eroos. SHin nuugaappe dummatiya haymaanootiyaa kaalliya ura maataa bonchchoos; qassi asay nu yootiyoobaa siyanaadan wolqqanttokko.

Nuuni asaara haymaanootiyaabaa haasayiyo wode, Geeshsha Maxaafaa zoriyaa “ashkketettaaninne yashshatettan” oosuwan peeshshanawu maloos. (1 PHeexiroosa 3:15) Issi issi asay nuuni yootiyoobaa siyennaagaa eroos. (Maatiyoosa 10:14) SHin, nuuni etawu yootana gakkanaashin eta qofaa erokko. Qassi asaa hanotay laamettiyoogaakka akeekoos.

Leemisuwawu, issi galla oosoy darido gishshawu haasayissana danddayibeenna uri hara galla haasayanawu koyana danddayees. Qassi banttana gakkida issi metuwaappe woy hanotaappe denddidaagan Geeshsha Maxaafay yootiyoobaa siyanawu koyana danddayoosona. Nuuni asaa zaari zaaridi haasayissanawu baaxetiyoy hegaassa.