Yesuusi Ubbaa Danddayiya Xoossee?

Geeshsha Maxaafay Yootiyoobaa

Yesuusi bana Xoossaara lagge oottiis giidi A eqettiyaageeti mootidosona. (Yohaannisa 5:18; 10:30-33) SHin, Yesuusi bana Ubbaa Danddayiya Xoossa giidi mule yooti erenna. I hagaadan giis: ‘Taappe Aaway darees.’—Yohaannisa 14:28

Beni wode Yesuusa kaalliyaageetikka Yesuusa Ubbaa Danddayiya Xoossaara lagge oottidi xeellibookkona. Leemisuwawu, Yesuusi hayquwaappe denddi simmin Xoossay “[Yesuusa] keehi Xoqqu xoqqu oottiis” giidi kiitettida PHawuloosi xaafiis. PHawuloosi Yesuusa Ubbaa Danddayiya Xoossa giidi ammanennaagee qoncce. Yesuusi Ubbaa Danddayiya Xoossaa gidikko, Xoossay A waati xoqqu xoqqu oottana danddayii?—Piliphphisiyuusa 2:9.