Bira Milatiya Sahaara Qaacuwaa Mishuwaappe Teqqiyaabaa

BIRA milatiya Sahaara qaacoy (Cataglyphis bombycina) mishuwaa keehi danddayiya saꞌaa bolli woxxi qaaxxiya meretatuppe issuwaa. He qaacuwaa miyaageeta seeta gallassi Sahaara mishoy shemppiyoosaa koyanaadan oottiyo wode, qaacoy he wolqqaama mishuwan hayqqida guutta meretatu malabaa maanawu ollaappe matasaa koshshawu gakki simmees.

Ane qoppa: Bira milatiya Sahaara qaacuwaa keehi goꞌꞌiyaabaappe issoy mishuwaa teqqiyaabaa; hegee bolla baggaaninne miyyiyan deꞌiya binnaanaanne binnaanay baynna uluwaa. Qaacuwaa meraa bira milatissiya binnaanay, heezzu zoozee deꞌiyo guutta tubbo mala. Bolla baggan deꞌiya naaꞌꞌu zooziyan binnaanawu ubbasaa gakkida geli kessay deꞌikkonne so baggan baawa. Hegee naaꞌꞌubawu maaddees. Koyruwan, binnaanay awa ayfiyaappe yiya pooꞌꞌuwaanne mishuwaa (visible and near-infrared) guyye zaaranaadan hegee maaddees. Naaꞌꞌanttuwan, qaacuwaa bollay heeraappe ekkido mishuwaa laalanaadan maaddees. Binnaanay baynna qaacuwaa uloy bazzuwaa saꞌaappe kiyiya mishuwaa (mid-infrared) guyye zaarees.a

Bira milatiya Sahaara qaacuwaa mishuwaappe teqqiyaabay he qaacoy danddayiyo 53.6 digiri sentti giredeppe a bollaa hoꞌꞌoy aadhennaadan oottees. Xannaꞌiyaageeti he guutta meretay denttettin, carkkissiyaaba mala, irxxissanawu maaddiyaabaa goꞌettennan tiyidi irxxissiyoobaa giigissanawu maloosona.

Ne qofay aybee? Bira milatiya Sahaara qaacuwaa mishuwaappe teqqiyaabay lodda laamiyan yiidabeeyye maalaalissiya hanotan merettidabee?