Issi Naꞌiyaa Wolqqaama Bitaniyaa Maaddaasu

A GUUTTA naꞌiyaa woygaydda deꞌiyaakko eray? A Yihooway kiittin hananabaa yootiya Elssaaꞌi, Yihooway maaddin oottiyo maalaalissiyaabata ha maccaaseessi yootaydda deꞌausu. Maccaasiyaa Israaꞌeele asa gidenna gishshau, Yihoowabaa erukku. Yaatin, naꞌiyaa ayssi macaasee soo baadee? Ane beꞌoos.

Maccaasiyaa Sooriyaa biitta asa. I keettaaway Sooriyaa olanchchatu halaqaa Naaꞌimaana. Sooreti ha guutta Israaꞌeele biitta naꞌiyo omooddi ehiidi, Naaꞌimaana machchee ashkkara gidanaadan issi immidosona.

Naaꞌimaana issi iita goga harggee oyqqiis. Ha harggee issi asa bollaappe ashoy duuxxi duuxxi wodhdhanaadankka oottana danddayees. Hegaa gishshau, naꞌiyaa Naaꞌimaana maccaaseessi: ‘Ta goday Israaꞌeelen deꞌiya hananabaa yootiya Yihoowa asakko biyakko loꞌꞌo. I ha harggiyaappe a pattanashin’ yaagada yootaasu. Takkidi maccaasee azinay hegaa siyiis.

Naaꞌimaani paxanau keehippe koyido gishshau, Israaꞌeele biitti baanau qofaa qachchiis. I yaa gakkidi Elssaaꞌa soo biis. Elssaaꞌi ba ashkkaray kare kiyidi, Naaꞌimaanayyo Yorddaanoosa SHaafaa biidi, laapputoo meecettana mala yootanaadan oottiis. Naaꞌimaani hegan keehippe yiillotidi: ‘Ta biittan deꞌiya shaafati Israaꞌeelen deꞌiya ay shaafaappenne keha!’ yaagiis. Naaꞌimaani hegaadan gi simmidi, bi aggiis.

SHin a ashkkaratuppe issoy assi: ‘Ta godau, Elssaaꞌi neeyyo deexxiyaaba yootiyakkokka neeni oottana. Yaatin i giidoogaadan neeni aybissi meecettikkii?’ yaagiis. Naaꞌimaani ba ashkkaray giidoogaa siyi biidi, Yorddaanoosa SHaafan laapputoo muukettiis. I hegaadan oottin, a bollay minnidi paxi aggiis!

Naaꞌimaani keehippe ufayttiis. I Elssaaꞌakko simmi biidi ayyo: ‘Saꞌa ubban tumu Xoossay Israaꞌeele Xoossaa xalaala gidiyoogaa taani haꞌꞌi eraas. Hegaa gishshau, hayyana ta immiyo ha imotaa ekkarkkii’ yaagiis. SHin Elssaaꞌi zaaridi: ‘CHii, taani ekkikke’ yaagiis. Naaꞌimaana pattiday Yihoowa gidiyo gishshau, imotaa bau ekkiyoogee bala gidiyoogaa Elssaaꞌi erees. SHin Elssaaꞌa ashkkaray Gehaazi he imotaa bau ekkanau koyiis.

Yaatiyo gishshau, Gehaazi kaallidi deꞌiyaagaadan oottiis. Naaꞌimaani bi simmin, Gehaazi a gakkanau geeduwaa woxxiis. Gehaazi: ‘Elssaaꞌi bana oychchanau haꞌꞌi yiida laggetuyyo ne imotaappe immana koyidi, neeyyo yootanaadan tana kiittiis’ yaagiis. Hegee worddo. SHin Naaꞌimaani hegee worddo gidiyoogaa erenna gishshau, Gehaazassi amaridabaa immiis.

Gehaazi soo simmido wode, i ay oottidaakko Elssaaꞌi eriis. Assi Yihooway yootiis. Yaatiyo gishshau i: ‘Neeni ha iitabaa oottido gishshau, Naa⁠ꞌimaana oyqqida goga harggee nena oyqqana’ yaagiis. Sohuwaarakka he harggee a oyqqi aggiis.

Ha ubbabaappe nuuni ay tamaarana danddayiyoo? Koyruwan, he guutta naꞌeegaadan Yihoowabaa yootana bessiyoogaa tamaaroos. Hegee daro loꞌꞌobaa oottana danddayees. Naaꞌꞌanttuwan, koyro Naaꞌimaani hanidoogaadan otorettana bessenna; hegaappe Xoossaassi oottiyaageetussi azazettana koshshees. Heezzanttuwan, Gehaazaagaadan worddotana koshshenna. Geeshsha Maxaafaa nabbabiyoogan darobaa tamaarana danddayokkoo?