TIMIRTTE 25
Xoossay Nuussi Halchchidobay Aybee?
‘Asa baree qantta; qassi hegaa keesaykka metuwan kumidaagaa’ gidiyoogaa Geeshsha Maxaafay yootees. (Iyyooba 14:1) Nuuni hegaa mala deꞌuwaa deꞌanaadan Xoossay koyii? Koyennaba gidikko, Xoossay nuussi halchchidobay aybee? He halchchoy polettanee? Geeshsha Maxaafay zaariyo minttettiyaabaa beꞌa.
1. Yihoowi nuuni ay mala deꞌuwaa deꞌanaadan koyii?
Yihoowi nuuni keehi loꞌꞌo deꞌo deꞌanaadan koyees. I koyro asata, Addaamanne Hewaano medhdhidi loꞌꞌiya gannatiyan, Edene ataakiltte sohuwan wottiis. Yaatidi “Xoossai eta hagaadan yaagidi anjjiis; ‘Yelettite; corattite; ha sa7aa kumitenne haarite.’” (Doomettaabaa 1:28) Yihoowi eti naata yelanaadan, kumetta saꞌaa gannate oottanaadaaninne mehiyaa doꞌaa naaganaadan koyiis. I asa ubbay payyatettan merinawu ufayttidi deꞌanaadan halchchiis.
Ha wodiyan nu deꞌoy hegaa mala gidana xayikkonne,a Xoossay nuuni hegaadan deꞌanaadan koyees. (Isiyaasa 46:10, 11) I bawu azazettiyaageeti wottiyoobi baynna hanotan merinawu deꞌanaadan haꞌꞌikka koyees.—Ajjuutaa 21:3, 4 nabbaba.
2. Ha wodiyan ufayssiya deꞌuwaa waani deꞌana danddayiyoo?
Yihoowi nuna A kaaletoy koshshiyoogeeta oottidi medhdhiis. Nuuni A eranawunne awu goynnanawu koyiyoy hegaassa. (Maatiyoosa 4:4; 5:4-6 nabbaba.) I nuuni aara dabbotanaadan, ‘A ogiyan ubban hemettanaadan, A siiqanaadaaninne’ “[nu] kumetta wozanaappe” ayyo oottanaadan koyees. (Zaarettido Wogaa 10:12; Yaaqooba 2:23) Yaatiyo wode, metiyaabay deꞌikkokka nuuni tumuppe ufayttana danddayoos. Nuuni Yihoowawu goynniyo wode I koyiyoogaadan deꞌiyo gishshawu, tumuppe ufayssiya deꞌuwaa deꞌiyoogaa akeekoos.
LOYTTA AKEEKA
Yihoowi saꞌaa nuussi giigissido wode nuna siiqido gita siiquwaabaanne tumuppe ufayssiya deꞌuwaabaa A Qaalay ay tamaarissiyaakko akeeka.
3. Yihoowi asay keehi ufayssiya deꞌuwaa deꞌanaadan koyees
BIIDUWAA beꞌite; yaatidi kaallidi deꞌiya oyshaa tobbite.
Yihoowi saꞌaa loꞌꞌiya soho ootti medhdhidoy aybissee?
Eranchchaa 3:11 nabbabite; yaatidi ha oyshaa tobbite:
Nuuni hagaappe Yihoowabaa ay tamaariyoo?
4. Yihoowi halchchidobay laamettibeenna
Mazamure 37:11, 29nne Isiyaasa 55:11 nabbabite; yaatidi ha oyshaa tobbite:
Yihoowi nuussi halchchidobay laamettibeennaagaa aybin eriyoo?
Keehi moorettida keettay zaaretti giigana danddayees. Hegaadankka, asay moorido saꞌaa Xoossay bana siiqiyaageetussi zaarettidi giigissana
5. Yihoowawu goynniyoogee nu deꞌuwan wozanappe ufayttanaadan oottees
Yihoowi nu deꞌuwawu halchchidobaa eriyoogee ufayssees. BIIDUWAA beꞌite; yaatidi kaallidi deꞌiya oyshaa tobbite.
Teruuma Xoossay deꞌuwawu halchchidobaa erada waana goꞌettadee?
Eranchchaa 12:13 nabbabite; yaatidi ha oyshaa tobbite:
Yihoowi nuussi oottido darobaa nashshiyoogaa waati bessiyoo?
ISSI URI HAGAADAN OYCHCHANA DANDDAYEES: “Nuuni deꞌiyoy aybissee?”
Woygada zaaruutee?
AY AKEEKADII?
Yihoowi nuuni ha saꞌan wottiyoobi baynna hanotan merinawu ufayttidi deꞌanaadan koyees. Nuuni ayyo kumetta wozanaappe goynniyo wode, ha wodiyankka keehi ufayttana.
Zaaretuwaa
Yihoowi Addaamessinne Hewaanissi halchchidobay aybee?
Xoossay asawu halchchidobay laamettibeennaagaa aybin eriyoo?
Neeni waana tumuppe ufayttana danddayay?
PILGGA
Edene gannatee tumu deꞌidaba gidiyoogaa nuuni ammanettana danddayiyoy aybissakko akeeka.
“Edene Ataakiltte Sohoy—Hayseeyye Tumee?” (Wochchiyo Keelaa, Usuppune 1, 2011)
Saꞌay merinawu deꞌanaagaa nuuni ammanettana danddayiyoy aybissakko akeeka.
Ne deꞌuwan waana ufayttanaakko Geeshsha Maxaafay yootiyoobaa akeeka.
Bawu ubbabay deꞌiyabadan qoppida issi bitanee ba deꞌuwan paccidabay deꞌiyoogaa waati akeekidaakko beꞌa.
a Ha wodiyan nuuni hegaa mala deꞌuwaa deꞌennay aybissakko kaalliya timirttiyan beꞌana.