Asay Bana Bonchchiyogaa Aggidoy Aybissee?

ASAY BANA BONCHCHIYOGEE KEEHI KOSHSHIYOY AYBISSEE?

Bana bonchchiya asay deꞌuwan gakkiya metota minotettan genccana danddayees. Eti sohuwara hidootaa qanxxokkona.

Banttabaa loꞌꞌobaa qoppennaageeti azzanana, unꞌꞌettananne etawu qumaa miyo koshshay xayana danddayiyogaa issi xinaatee bessees. Qassi eti darotoo ushshaanne jallissiya xaliya bessenna ogiyan goꞌettana danddayoosona.
Banttana bonchchiyageeti haratuura banttana geeddarssokkona, hegee eti metootennan haratuura sarotettan deꞌanaadaaninne laggetettaa minttanaadan oottees. Hara baggaara, banttana bonchchennaageeti darotoo balaa qoroosona, hegee haratuura deꞌiya dabbotettaa moorana danddayees.
Banttana bonchchiyageeti metoy gakkiyo wodekka minnidi genccoosona; eti bantta halchchuwa polennaadan xubbiyabati gaaso gidanaadan oottokkona. Hegaappe dumma ogiyan, banttana bonchchennaageeti darotoo guutta metota gitabadan xeelloosona. Hegee eti sohuwara hidootaa qanxxanaadan oottana danddayees.

AY OOTTANA DANDDAYAY?

Nena minttettiya laggeta doora. Nena bonchchiya, tumuppe ne sarotettaa koyiyanne nena minttettiya asatuura laggeta.

“Laggee mule wodekka siiqees; ishaikka metuwaa wode maaddanaassi yelettees.” —Leemiso 17:17.

Harata maadda. Neeni neeyyo kushiya zaarana danddayennaageeta gujjin haratuyyo kehiyo wode, immiyogan beettiya tumu ufayssaa demmaasa. Neeni oottido loꞌꞌobaa ooninne erennaba gidikkokka, ufayttiyagaa gidaasa.

“Immiyogee ekkiyogaappe aaruwan ufayssees.”—Oosuwa 20:35.

Ne naati banttana bonchchanaadan maadda. Hegaadan oottiyo issi ogee, eti danddayido keenan banttana gakkida metuwa banttarkka pagalanaadan oottiyogaana. Hegee naati metuwa gencciyogaa woy pagaliyogaa tamaaranaadan maaddees. He tamaaridobay eti naatettankka gasttiyo wodekka banttana bonchchiyageeta gidanaadan oottana.

“Na7i waanidi de7ana bessiyaakko tamaarissa; yaatikko, i cimidikka hegaa aggenna.” —Leemiso 22:6.

Issi Yihoowa Markkiya tukke keettan issi maccaasiyo Geeshsha Maxaafaa xannaˈissawusu.

YIHOOWA MARKKATI AY OOTTIIDDI DEꞌIYONAA?

Yihoowa Markkatu shiiqotinne eti Geeshsha Maxaafaa xannaꞌissiyogee asay bantta deꞌuwa giiga oottanaadaaninne banttana bonchchanaadan maaddees.

NUUNI SAAMINTTAN SAAMINTTAN SHIIQIYO SHIIQOTA

Nuuni saaminttan saaminttan shiiqiyo shiiqotun, nuna bonchchiyo ogeta gujjin Geeshsha Maxaafaappe giigida haasayata siyoos. Nu shiiqoti miishsha qanxxissokkona, qassi hegeetun ooninne shiiqana danddayees. Leemisuwawu, nu shiiqotun neeni kaallidi deꞌiyabata tamaarana:

Xoossay nena xoqqu ootti xeelliyo gaasuwa
Deꞌuwawu tumu halchchuwa waati demmanaakko
Minonne duuxxenna laggetettaa waati medhdhanaakko

Qassi neeni “issoi issuwaassi issi mala” qofay deꞌiyo tumu laggeta demmana.—1 Qoronttoosa 12:25, 26.

Nu shiiqotubaa gujjada eranawu, SHiiquwaa Addaraashan Oosettiyaabay Aybee? giya qantta biiduwa jw.org saytiyan koya.

NUUNI GEESHSHA MAXAAFAA TAMAARISSIYOGAA

Nuuni Merinawu Ufayttada Deꞌa! giya maxaafaa goꞌettidi miishsha qanxxissennan Geeshsha Maxaafaa xannaꞌissoos. Ha maxaafan waanna qofaa oyqqida xiqiseti, qofaa qonccissiya gaasoti, qoppanaadan oottiya oyshati, denttettiya biidotinne loꞌꞌiya misileti deꞌoosona. Geeshsha Maxaafaa xinaatee asay bana toochchennaadaaninne ba deꞌuwa giiga oottanaadan maaddees.

Yihoowa Markkatuura Geeshsha Maxaafaa xannaꞌiyogee nena waati maaddana danddayiyakko eranawu, Geeshsha Maxaafaa Xannaꞌana Koshshiyoy Aybissee? giya qantta biiduwa jw.org saytiyan koya.