GEESHSHA MAXAAFAA OYSHAA ZAARUWAA
Yesuusa hayqoy nuna waatidi goꞌꞌii?
Xoossay asaa naati mule harggennan woy hayqqennan saꞌan merinau deꞌana mala medhiis. SHin koyro bitanee Addaamee Xoossaayyo azazettibeenna gishshau merinau deꞌana danddayibeenna. Nuuni Addaame zare gidiyo gishshau, appe nagaraanne hayquwaa laattida. (Roome 5:8, 12; 6:23) Tumu Xoossay Yihooway ba Naꞌay Yesuusi hayqqanaadaaninne Addaame gaasuwan xayidabaa wozanaadan a saꞌaa kiittiis.— Yohaannisa 3:16 nabbaba.
Yesuusi asaa naati merinaa deꞌuwaa demmanaadan hayqqiis. Saꞌan merinau deꞌiyoogee ay mala gidana gaada qoppay?
Yesuusa hayqoy nu nagaray atto geetettanaadan oottiis; qassi merinaa deꞌuwaa demmiyo ogiyaa dooyiis. Nuuni ceeggennan, harggennaaninne hayqqennan saꞌan ay mala hanotan deꞌanaakko Geeshsha Maxaafay loytti qonccissees.—Isiyaasa 25:8; 33:24; Ajjuutaa 21:4, 5 nabbaba.
Nuuni Yesuusa hayquwaa waatidi hassayana koshshii?
Yesuusi hayqqanaappe kase qammi, bana kaalliyaageeti guuttabaa giigissidi a hayquwaa hassayanaadan azaziis. Layttan layttan Yesuusa hayquwaa hegaadan bonchiyoogee Yesuusinne Yihooway asaa naata ay keena siiqiyaakko nuuni qoppanaadan maaddees.—Luqaasa 22:19, 20; 1 Yohaannisa 4:9, 10 nabbaba.
Ha laytti Yesuusa hayquwaa hassayiyo baalay Saynno, Hosppune 6 2006n (April 14, 2014) away wulli simmin bonchettees. Neenikka ne heeran deꞌiya Yihoowa Markkatuura he baalaa bonchanaadan shoobboos.—Roome 1:11, 12 nabbaba.