Olaynne Asay Kobattiyogee Gujji Gujji Biyoy Aybissee?
Geeshsha Maxaafay olawunne asay kobattiyogawu kane gaasoy aybakko, qassi hegee gujji gujji biyoy aybissakko qonccissees.
NAGARAA
Xoossay nu koyro aawaanne aayyiyo, Addaamanne Hewaano ba leemisuwan medhdhiis. (Doomettaabaa 1:27) Hegee eti sarotettaanne siiquwa gujjin, Xoossaagaa mala eeshshata bessana danddayoosona giyogaa. (1 Qoronttoosa 14:33; 1 Yohaannisa 4:8) Gidikkonne, Addaameenne Hewaana Xoossaayyo azazettennan ixxidi nagaraa oottidosona. Hegaa gaasuwan, nuuni ubbay nagaraanne hayquwa laattida. (Roome 5:12) Laattido nagaraa gaasuwan, nuuni darotoo iitabaa qoppananne hegaappe denddidaagan makkalabaa oottana danddayoos.—Doomettaabaa 6:5; Marqqoosa 7:21, 22.
ASA KAWOTETTAA
Xoossay nuuni nuna haaranaadan medhdhibeenna. Geeshsha Maxaafay, asi “ba hemetaa suurissanaagee aawu shene gidennaagaa” yootees. (Ermmaasa 10:23) Hegaappe denddidaagan, asa kawotettati olaanne makkalaa muleera xayssana danddayokkona.
SEEXAANAANNE DAYDANTTATA
Geeshsha Maxaafay “kumetta saꞌay iitaa wolqqaa garssan” deꞌiyogaa yootees. (1 Yohaannisa 5:19) “Iitaa” geetettiday Seexaanaa Dabloosa, qassi I shemppo woriyagaa. (Yohaannisa 8:44) Inne hara iita ayyaanaa meretati geemettidi, asay olettanaadaaninne makkalanaadan oottoosona.—Ajjuutaa 12:9, 12.
Olawunne makkalawu kane gaaso gididabata asay xayssana danddayenna, shin Xoossay xayssana