WHEN YOU DE START DISCUSSION
LESSON 6
No Fear
Advice: “Our God help us make we no fear to tell una the good news.”—1 Thess. 2:2.
The Thing Wey Jesus Do
1. Watch the VIDEO, or read Luke 19:1-7. Then think about this questions:
Why some people no want dey around Zacchaeus?
Even with that one, wetin move Jesus to preach the good news to Zacchaeus?
Wetin We Learn From Jesus?
2. We need strong heart to preach the good news to everybody no matter who them be.
Copy Jesus
3. Trust Jehovah. Holy spirit from God give Jesus the power to preach, and the spirit go fit still give you power too. (Matt. 10:19, 20; Luke 4:18) Beg Jehovah make e give you strong heart to preach to people wey you de fear.—Acts 4:29.
4. No judge people before you preach to them. We fit no want talk to some people because of how them be for outside, who them be for community, the kind life wey them de live, or things wey them believe. But remember say:
Jehovah and Jesus know wetin dey for people heart; but we no know.
Nobody dey wey Jehovah no fit show pity.
5. No fear, but still show respect and dey careful. (Matt. 10:16) No de argue. Sofri end the discussion if the person no want listen to the good news or if you feel say e want cause trouble for you.—Prov. 17:14.