The World Cup Fit Really Make People Do Things Together As One?

Na about five billion people suppose watch the FIFA World Cup wey go start from November 20 to December 18, 2022. People de hope say sport like the World Cup fit help people for other ways no be just to make people wey de watch-am to dey as one.

• “Sport get power to change the world. E get the power to move people and still get the power to make people to dey as one pass any other thing.”—Nelson Mandela, former president of South Africa.

• Football de bring people together because e dey make people “get the same hope, de happy together, de do wetin they really like. E still they make people feel say they love other people and say they fit do something together with other people.”—Gianni Infantino, president of FIFAa

The World Cup or any other sport fit really make this fine-fine things to happen? E dey possible say people go really get peace and do things together as one?

The World Cup fit really make people do things togther as one?

The World Cup this year don make people think about other things, no be just football. E don make people de talk and argue about politics and other matter like the right wey people get to do things, the way them de treat people because of where they come from and how some people rich pass other people.

Even with all this one, many de really enjoy to watch sports wey people come together from different part of the world to play, like the World Cup.The truth be say the joy wey people de get from this kind sports no de last. Instead, e de show how people no really like each other and other bad character wey Bible talk say people go get for the “last days”—2 Timothy 3:1-5.

Correct hope dey say people for the whole world go dey as one

The Bible get better hope say people for the whole world go do things together as one. Bible promise say everybody for this earth go dey under one government wey go rule from heaven wey be “God Kingdom”—Luke 4:43; Matthew 6:10.

Na Jesus Christ be the King of that Kingdom. E go make sure say peace go dey everywhere for the whole world. Bible talk say:

• “People wey de do the correct thing go plenty, and peace go dey everywhere”—Ps. 72:7.

• “E go save the poor people wey de cry for help. . . E go save them from bad and wicked people.”—Psalm 72:12, 14.

Even now, the things wey Jesus de teach don make millions of people wey come from 239 lands to do things together as one. Because of wetin they learn, they don stop to hate people wey dey different from them. To learn more about this one, read the different article wey get the topic “Breaking the Cycle of Hatred.”