Wetin God Kingdom Go Do About Health Matter

“Just because COVID-19 no de worry people again like before, no mean say e no be problem wey fit affect our health again for the whole world.. . . We dey sure say another type of pandemic go happen and we need to dey ready.”​—Dr. Tedros Adhanom Ghebreyesus, director-general of the World Health Organization, May 22, 2023.

Plenty people still de suffer because of wetin COVID-19 don cause. You think say government and organization wey de care for people don ready for the next pandemic, and them fit help us manage the problem wey we get for body now?

Bible tell us about one government wey go give us the kind treatment wey we need. E talk say, “God for heaven go start kingdom,” or one government. (Daniel 2:44) When the kingdom start to rule, “nobody for there go talk say: ‘I de sick.’” (Isaiah 33:24) Everybody go get better body as them dey before when them dey young.​—Job 33:⁠25.