Jesus Go End War

When Jesus dey this earth, e show say e love people well-well sotey e use im life save them. (Matthew 20:28; John 15:13) Small time, e go show im love for people again as e go use the power wey e get as King of God Kingdom to “end all war for the whole earth.”​—Psalms 46:9.

See how the Bible describe wetin Jesus go do:

• “E go save the poor people wey de cry for help, and e go still save the people wey other people de see as nothing and anybody wey no get who de help-am. E go pity poor people and common people, and e go save their life. E go save them from bad and wicked people.”​—Psalm 72:​12-14.

How we fit show say we really value everything wey Jesus don do for us and go still do for us? One way na to learn more about “the good news about God Kingdom,” wey be the same message wey Jesus preach. (Luke 4:43) Read the article wey the title na “Wetin Be God Kingdom?”