Jehovah Witness People Believe Say Na Them Get the True Religion?

People wey dey serious about religion suppose believe say the one wey them don choose na the one wey God and Jesus accept. If no be so, them for no de put all their body for inside.

Jesus Christ no agree with the thinking say na many religions or many roads fit make us get life. Instead, e talk say: “The road wey people go pass to get life, tight, and im gate small, and people wey de see-am no plenty.” (Matthew 7:14) Jehovah Witness people believe say them don see that road. If no be so, them for don look for another religion.