Jehovah Witness People Na Christian?

Yes. We be Christians because of the reasons wey dey down:

• We de try to follow the things wey Jesus Christ teach and the wey e live im life.—1 Peter 2:21.

• We believe say na Jesus be the person wey God go use save people, “because no other name dey under heaven wey them don give among men, wey go fit save us.”—Acts 4:12.

• When people want become Jehovah Witness, them de baptize them for the name of Jesus.—Matthew 28:18, 19.

• We de end our prayer for Jesus name.—John 15:16.

• We believe say na Jesus be the person wey God choose as king wey go rule everybody.—1 Timothy 6:15.

But we dey different from Christendom. For example, we believe say Bible teach say Jesus na the Son of God, no be part of Trinity (Trinity na the belief say God, Jesus and Holy spirit na one person). (Mark 12:29) We believe say soul de die, we still believe say e no get anything for Bible wey show say God go purnish people for hell fire forever, or say people wey de lead for religion suppose get title wey go make-am be like say them dey important pass other people.—Ecclesiastes 9:5; Ezekiel 18:4; Matthew 23:8-10.