How Jehovah Witness De Get Money to Do Their Work?

Na Jehovah Witness for the whole world de contribute money wey them de use do their work.a For where them de meet to worship God, boxes dey wey people fit contribute money and we still de contribute money for other ways for our website for jw.org. For the website, different ways dey wey person fit contribute so that person fit contribute for the preaching work wey we de do for the whole world, for congregation or for the two of them.

Jehovah Witness no de pay tithe and they no de tell them how much money they must give. (2 Corinthians 9:⁠7) We no de ever ask people to give us money before they come our meeting, or before we do baptism for them, burial, wedding, or other things wey we de do for people for our organization. We no de do harvest, crusade, bazaar, or sell food and other things to people to get money from them and we no de beg people to give us money. We no de announce the name of person wey don contribute money. (Matthew 6:​2-4) We no de use our website, books and videos to show things about business and they no de pay us to advertise things for our website.

Every month them de tell the congregation how much money people contribute and how they use-am and anybody fit come this meeting. Them de always check the money wey each congregation de give to make sure say them de use the money well.​—2 Corinthians 8:​20, 21.

The Different Ways to Contribute Money

• Contribution box: You fit put money or check for inside contribution box for Kingdom Hall, Assembly Hall, or other places wey we de do our meeting.

• To use internet do contribution: For plenty countries, you fit use this page for our website “Donate to Jehovah’s Witnesses” to contribute money with credit card, debit card, bank transfer, and other things wey them de use pay money for internet.b Some Jehovah Witness de “keep something” each month and them de use one of this ways contribute.​—1 Corinthians 16:⁠2.

  

• Contribution wey person don plan to give: Some contribution dey wey person need to plan before or get advice from law people before e make the contribution. If you plan like this, when government de reduce tax for some things for your country, you go get extra money wey you fit contribute. Plenty people don gain when they know say they fit give something when them dey alive or they fit choose who go collect the contribution when they die. Abeg ask the branch office of Jehovah Witness for your area if you want know more about how you fit contribute for this different ways:

  • bank accounts

  • insurance and retirement plans

  • real estate

  • stocks and bonds

  • wills and trusts

If you want know more about how them de contribute for your area, check the page for our website “Donate to Jehovah’s Witnesses.”