STUDY 15

Show Say You Believe Wetin You De Talk

1 Thessalonians 1:5

WETIN YOU NEED TO DO: Show say you really believe the truth well and wetin you de talk dey important.

Prepare Well. Study the material well until you understand the main ideas and how Bible support this ideas. Try to use simple words to talk the main points. Focus on how this points go help the people wey you de talk to. Pray for holy spirit.

Practice wetin you want talk loud so that you go fit understand all the point for your mind and this one go help you improve how you go talk-am.
Use words wey e go show say you believe wetin you de talk. No just de repeat exactly wetin they write for book. Instead, use your own words. Make the words wey you choose to use show say you believe wetin you de talk.
Talk to people with all your heart. Use correct volume as you de talk. If e no go cause problem to look person for face, de look the people for face as you de talk.

To show say you believe wetin you de talk no mean say you go just de talk anyhow or de force people with your own ideas. Even as you go use all your heart talk, still use love talk to people.