Wetin Everybody for This Convention Suppose Know

ATTENDANTS Know say, this brothers ready to help you. Abeg, follow wetin they go tell you about how to park motor, about where to pass, about how to save seat and other things.

BAPTISM People wey want baptize go sitdown for the front seat. This seat de face platform. If anything change, they go announce-am. Make they sitdown for there before the baptism talk go start for Saturday morning. Make all of them bring their own towel and correct cloth wey they go wear baptize.

DONATION Na money them use arrange the plenty chairs, sound system, television, camera and many other things for this convention. This things de make us enjoy the convention and help us near Jehovah more-more. So if you put something for the contribution box, e go help us pay for all this things and support the preaching work for the whole world. This contribution box them dey for different-different corner for this convention. You fit still make donation for internet for donate.jw.org. We want thank wuna for the donation wey wuna de give. The Governing Body really want thank wuna as wuna de support this Kingdom work.

FIRST AID Abeg make wuna know say this first aid na only for people wey something just happen to them for convention.

LOST AND FOUND If you see something, and you no know who get-am, carry-am go Lost and Found Department. If you don lost anything, go check-am for this department. If pikin lost, carry the pikin go Lost and Found Department. To help make this kind thing no happen, we de beg papa and mama to take care of their pikin them and make sure say the children dey with them.

PLACE TO SITDOWN Abeg, when you want sitdown, think about other people. Remember say you fit keep chair only for your family people, people wey you come with for the same motor, people wey you de live with for the same house or your Bible students wey you de study with now. Abeg, no put things ontop any chair wey you no de keep for person.

WORK If you go like help do some work for this convention, abeg, go Information and Volunteer Service Department.

SPECIAL MEETING

School for Kingdom Evangelizers Pioneers wey their age dey between 23 years and 65 years and they want do more for the preaching work fit attend School for Kingdom Evangelizers meeting. This meeting na for Sunday afternoon. They go announce the place and the time for this meeting.