Wetin Everybody for This Convention Suppose Know

ATTENDANTS Know say, this brothers ready to help you. Abeg, follow wetin them go tell you about how to park motor, about where to pass, about how to save seat and other things.

BAPTISM People wey want baptize go sitdown for the front seat. This seat de face platform. If anything change, them go announce-am. Make them sitdown for there before the baptism talk go start for Saturday morning. Make all of them bring their own towel and correct cloth wey them go wear baptize.

DONATIONS Na money them use arrange the plenty chairs, sound system, television, camera and many other things for this convention. This things de make us enjoy the convention and help us near Jehovah more-more. So if you put something for the contribution box, e go help us pay for all this things and support the preaching work for the whole world. This contribution box them dey for different-different corner for this convention. If e dey possible, you fit still make donation for internet for donate.jw.org. We want thank una for the donation wey una de give. The Governing Body really want thank una as una de support this Kingdom work.

FIRST AID Abeg make una know say this first aid na only for people wey something just happen to them for convention.

LOST AND FOUND If you see something, and you no know who get-am, carry-am go Lost and Found Department. If you don lost anything, go check-am for this department. If you see pikin wey de miss, carry the pikin go Lost and Found Department. To help make this kind thing no happen, we de beg papa and mama to take care of their children and make sure say them always dey with them.

PLACE TO SITDOWN Abeg, when you want sitdown, think about other people. Remember say you fit keep chair only for your family people, people wey you come with for the same motor, people wey you de live with for the same house or your Bible students wey you de study with now. Abeg, no put things ontop any chair wey you no de keep for person.

WORK If you go like help do some work for this convention, abeg, go Information and Volunteer Service Department.