De Do Your Personal Study the Way You Go Gain More

WHY E DEY IMPORTANT?: Personal study de help us really understand everything about the truth. (Eph 3:18) E still de help us make we no join people for this world de do bad things. And e de make us hold the truth with all our heart. (Php 2:15, 16) Person fit use personal study learn how e go improve e life. Wetin we fit do to really gain as we de read and study Bible?

HOW YOU GO DO-AM:

• Mark any verse for your Bible wey you want research, and write small note for book or for your phone

• As you de read, de ask yourself this questions: ‘Which person this verse de talk about? Wetin e mean? Which time they write-am? Where they write-am? Why they write-am? And how e concern me?’

• Understand-am well. You fit use Jw Library or any book wey we de use do research. You fit use the Bible verse or topic find your answer

• Think about wetin you de read, and how e concern you

• De use wetin you learn for your life everyday.​—Lu 6:47, 48

WATCH THE VIDEO, HOLD THE WORD OF GOD TIGHT AS YOU DE STUDY-AM WELL, AFTER MAKE WUNA ANSWER THIS QUESTIONS:

• Wetin some people talk about personal study?

• Why e dey important make we de pray anytime wey we want do personal study?

• Wetin fit help us understand some place for Bible pass before?

• When we de study Bible, how we fit mark important point?

• Why e really dey important make we de really think about wetin we read?

• Wetin we go do with things wey we don learn from Bible?