How the Bible Study Wey Jehovah Witness De Do With People De Be?
Jehovah Witness fit really help you learn wetin Bible de teach. The Bible study wey we de do with people fit help you:
Get happy life
Be friend of God
Learn wetin Bible talk about the future
For this page
If I gree to study Bible, my Bible teacher go force me to be Jehovah Witness?
If I don study Bible with Jehovah Witness before, I fit study again?
Wuna get program wey person fit use study Bible by e self even if teacher no dey?
How we de help people make them study Bible?
One Bible teacher go help you study Bible well, topic by topic. The book Enjoy Life Now and Forever! go help you learn wetin Bible de teach and how Bible fit help you. If you want learn more, watch this video.
I go need to pay for my study?
No. We de follow wetin Jesus tell e disciples say: “They give wuna for free, make wuna give free.” (Matthew 10:8) They no de pay people wey de teach us Bible and you no go pay money before they give you Bible or the book Enjoy Life Now and Forever!
How long the study de be?
The Bible study book get 60 lessons. Na you go decide how many lessons you want do for each study, but some people de like to study one or more lessons each week.
How I go start?
1. Fill the form for internet. We go only use wetin you fill for the form to send person to study with you.
2. One Bible teacher go call you or meet you. Your teacher go explain wetin you go learn for your Bible study and e go answer any question wey you get.
3. Na you and your teacher go arrange how wuna go de study. To do the study, the person fit come meet you, call you for phone, make video call, write letter, or email. The study fit be as your time reach, e fit be one hour, e fit no reach, or e fit pass one hour.
I fit just study one time to see how the study de be?
Yes. If you want do that one, fill the form for internet. When person meet you to study with you, tell the person say you want try-am just one time to see if you go like the study. To help you see whether you go like the study, your Bible teacher go use the brochure Enjoy Life Now and Forever! wey get three lessons to start the study with you.
If I gree to study Bible, my Bible teacher go force me to be Jehovah Witness?
No. Jehovah Witness de like to help people study Bible, but we no de ever force any person to join our religion. Instead, we de use respect tell people wetin Bible de teach, and we know say any person get right to choose wetin e go believe.—1 Peter 3:15.
I fit use my own Bible?
Yes, you fit use any Bible wey you like. Na true say we de like to use New World Translation of the Holy Scriptures because e really correct and dey easy to understand, but we know say plenty people like to use the Bible wey they don already know.
I fit tell other people to join the study?
Yes. You fit tell all your family or friends to join you for the study.
If I don study Bible with Jehovah Witness before, I fit study again?
Yes. In fact, you fit even enjoy the study now pass the one wey you don do before, because they don change-am to fit wetin people de face now. This one get plenty pictures and videos and you go talk wetin you get for your mind pass as you do for the other one.
Wuna get program wey person fit use study Bible by e self even if teacher no dey?
Yes. Even though say some people de learn more when person study with them, some like to study Bible by theirself for the first time. The page for our website wey the topic na, Things Wey We Fit Use Study Bible get plenty things wey fit help you study Bible. Some of this things na:
Bible Study Lessons for Internet. This lessons fit help you answer some important questions about life, like: Who be God? Why people de suffer and why bad things de happen? God go ever end suffer?
Bible Videos. This short videos de explain important things wey Bible de teach.
The Answer Wey Bible Give. This articles de answer different Bible questions.