How We Fit Use the Bible Study Videos

We get four Bible study videos wey we fit use for preaching. Wetin be the reason why them make all this video?

• 

  Why E Good Make We Study Bible?—Long One. Them make this video to help people get interest for Bible no matter their religion. The video de encourage people to find answer from Bible to questions about life, and e still explain small part of the answer wey dey Bible. The video still de explain how person fit ask for Bible study.

• 

  Why E Good Make We Study Bible? (short one). This video be like the long one, but na one part if they share the long video into three part. This one fit work well for territory where people no too get time.

• 

  How We De Help People Make Them Study Bible? Them make this video to help people get interest for our free Bible study program and to answer some questions wey people fit ask about-am. The video still show how to ask for Bible study.

• 

  Enjoy Your Bible Study. Them make this video make the Bible teacher show-am to e student. Even though say na page two of the Enjoy Life Now and Forever! book them for talk about the video, they fit still show-am when them de study the Enjoy Life Now and Forever! brochure. This video show the things wey dey inside the book and wetin the student fit expect when e de study.

Even though say e get why them make each of the video, we fit still send-am or show-am to people when e dey okay to do-am. E go good make publishers sabi the video well and use them well for preaching.