“How to Use the Part Wey Be ‘How We Go Preach This Month’”

Na since January 2018 the part wey be “How We Go Preach This Month” don dey the front page of Our Christian Life and Preaching​—Meeting Workbook. How we fit use-am?

When You Get Assignment for “De Use All Your Heart Preach”: Make you use the question, Bible verse, and question for next time. But this one no mean say you must talk exactly wetin dey the video wey show how we go preach. You fit change some things like, the place wey you meet the householder, the way you start the preaching, how you use Bible help-am get the meaning of wetin you de talk about, and some other things. You fit still give the person wey you de preach to, book from our Teaching Toolbox, even if e no dey part of wetin you suppose do for your assignment.

When You De Preach: “How We Go Preach This Month,” de help us know wetin we fit talk when we de preach. If the person wey we preach to, like the message from Bible and want know more, you fit use the example for the return visit continue the discussion. You fit adjust the example small, and use-am or use your own. If people for your area go like the question wey come from another month Life and Preaching Meeting Workbook, or another Bible verse, make you use-am. If na news or something wey de happen for your area go make people get interest for the good news, make you use-am. No matter how you choose to use this example of how we fit preach, make you do ‘everything because of the good news, so that you go fit preach-am to other people.’​—1Co 9:22, 23.