How to Use the Part Wey Be ‘How We Go Preach This Month’

To prepare the part ‘how we go preach this month’ no be small work, and many publishers don see say e de work well for their territory. But since condition no be the same for everywhere for the world, publishers fit use another method or discuss another topic wey people for their area go like, when them de preach. But all of us go follow any instruction wey them give us when special campaign dey. Wetin dey important pass na to do the work wey Jesus give us wey be to preach the good news of the Kingdom.​—Mt 24:14.

When publishers get student assignment, them dey free to choose another question, Bible verse, place wey them meet the householder, or question for next time wey go work well for their territory. But they go use the topic wey dey the part ‘how we go preach this month’ for our Life and Preaching Meeting Workbook (for example, the topic for July and August na, wetin God get for mind for people). If we want make the publisher follow exactly wetin dey the ‘how we go preach this month’ part, we go put the instruction for there. This one na adjustment to the direction wey dey page 8 of our June 2020 meeting workbook.