Wetin We Fit Learn From Samuel?

Samuel worship Jehovah well till e die. When e still dey small, e no follow the bad example of Eli sons, Hophni and Phinehas. (1Sa 2:22-26) As e de grow, Jehovah continue to support-am. (1Sa 3:19) And when e don old, e continue to worship Jehovah well, even though e sons no copy e example.—1Sa 8:1-5.

Wetin we learn from Samuel example? If you still dey young, make you know say Jehovah understand the problems wey you de face and how you de feel. E go help you dey strong to manage the problems. (Isa 41:10, 13) If you be papa or mama wey your pikin don stop to worship Jehovah, make you learn from Samuel. No too worry because even Samuel no fit force e pikin them wey don grow to worship Jehovah. Instead, e leave the matter for Jehovah hand. And e continue to hold Jehovah tight and continue to make Jehovah happy. Your good example fit make your pikin start to worship Jehovah again.

WATCH THE VIDEO LEARN FROM THEIR EXAMPLE—SAMUEL, AND AFTER, MAKE WUNA ANSWER THIS QUESTIONS:

• 

  When Samuel still dey small, how e show say e get strong heart?

• 

  How Daniel show say e get strong heart?

• 

  How Samuel show good example when e don old?

• 

  How Daniel papa and mama show good example?