You De Use Bible Reading Wey Them Don Record Well?

Wetin be Bible reading wey them don record? Na the New World Translation wey they use voice read and record-am. Them de release-am small-small for many language. One thing wey make this Bible reading wey them don record really good be say, them de use different voice for different people wey dey inside the Bible story. Them de read the Bible verses well and de put feeling as them de read so that the correct message for Bible go come out well.

How some people de gain from Bible reading wey them don record? Many people wey de listen to Bible reading wey them don record really like the way e de make the things wey dey Bible real to them. Them de feel say as them de hear different voice for different people wey dey the Bible story, e de help them really see how the Bible story take happen and e de help them understand-am well. (Pr 4:5) Many people don still see say when them de listen to this Bible reading, e de make their mind come down anytime wey them de worry.—Ps 94:19.

To de listen as them de read God Word loud really get power to affect our life. (2Ch 34:19-21) If small part or the whole Bible reading wey them don record dey for language wey you de understand, you fit try to de listen to-am everytime?

WATCH THE VIDEO HOW THEM TAKE RECORD BIBLE READING—SMALL PART, AND AFTER, MAKE WUNA ANSWER THIS QUESTION:

Wetin you really like about the way them de produce the Bible reading wey them don record?