Wetin Fit Help You to De Read Bible Everyday

E de hard you to read Bible everyday because you dey busy well-well? (Josh. 1:8) If na so, make you try one of this things:

• Set alarm for your phone. Set alarm for your phone wey go de remind you to read Bible everyday.

• De keep your Bible where e go dey easy for you to see-am. If no be phone you de use read your Bible, de put the Bible where go dey easy for you to see-am everyday.—Deut. 11:18.

• De listen to the audio recording. You fit de listen to the Bible reading wey them don record as you de do your work. Sister Tara na regular pioneer, e get children, and na night e de go work. E talk say: “I de listen to the Bible reading wey them don record when I de do my house work, and this one de help me fit do my Bible reading everyday.”

• No allow anything make you stop. If something wey you no expect make you no fit read your Bible when you plan to read-am, make you try read some verses before you sleep even if na small. You go see say you go still gain from the small one wey you read.—1 Pet. 2:2.